[b[center]] اليوم جايبة قصيدة أرجو أن تنال إعجابكم .........
الشيبة :
قلبي شباب و لازم أعرس مابا العيوز اللي اتوسد على الباب
الخير وايد و حالي ما هو مفلس عندي فلوس تدعم البنك في حساب
العيوز:
ما باقي منك غير خشمك وهالضرس تبغي تعرس و أنت غادي شالغراب
جابل صلاتك الله يشفيك مالمس وإلا ترى باطب ويهك بالتراب
الشيبة :
إنتي عيوز وأكلك الروب و الخس أما أنا ما آكل سوى تكة وكباب
ما فيني سكر غير ضغطي نازل بس دام الهوى فيني ترى كل شيء طاب
العيوز :
لا بارك الله فيك يا الشيبة يا النحس ما تييبك الرمسة ولا اييبك عتاب
قصرلي صوتك مابا اسمع ولا حس عطني طلاقي وانجلع خاري الباب
الشيبة :
دومك نحيسة وذا لسانك يبا له قص ربي ترى حلل لي أربع بالكتاب
هذا خميس الأعمى يا كم عرس ؟ مرتاح في الدنيا بلا هم و أعصاب
العيوز:
بطران وراسك كالصخر يابس و عص مالوم طبعك يوم ربعك هالكلاب
غادي شرا الأريل .. ودومك اتحيس استح على ويهك ..شيبة و لعاب
الشيبة :
فكيني من ويهك ترى مالي أي نفس زهقان من شوفك وأبغي لي أحباب
هذا طلاقك طالقة أربع و خمس شلي طلاقك من ضميري بلا حساب
العيوز :
مشكور يالشيبة ومن دون أي دس عندي حبيب ما ابتعد لحظة وغاب
يشريك و يبيعك تراه بثمن بخس ما تسوى ظفره .. حلو و أسمر وجذاب
الشيبة :
يالله .. قبل لا أموت منك و اغتص طلعتي لي قرن و راسي بعد شاب
يا شينة البرقع ترى قدرك اختس عيوز ولك في الدنيا خلان و أحباب
العيوز :
مثلك تراني وهذا لك في العمر درس لاني أميز بين شيبة وشياب
ولا نسيت إني على الموضة ألبس ما علموك إني بلا شيلة وحجاب
أرجو أن تنال إعجابكم ....................................... أبا ردود حلوة (^ـ^)[/center]
الأربعاء سبتمبر 16, 2009 11:54 pm
